كل ما يدور في عقل البنت في ليله الزفاف

كل ما يدور في عقل البنت في ليله الزفاف

 كل بنت اكيد خايفه جدا من ليله زفافها ومعظمهن يشكو من قله المعلومات من الام والرعب الذي بداخلهن وتقول ما افعل في تلك الليله الصعبة.

 واسئلة كثيره سوف نقوم بالرد عليها

لكن بداية طلب من كل مشرفة هنا لو حست ان الكلام بدأ يبقى غريب ارجو التنبيه لى علشان اخد بالى

وكذلك اللى عندها سؤال من البنات لا حياء اسألى هنا على العام وليس على الخاص وحافظى على كل كلمة بتقوليه؟؟

خلينا قبل ليلة الدخلة نتكلم عن يوم الفرح من الاول نفسه وعايزين كمان نقول ان والله الليلة ديه احلى ليلة فى حياتك فبلاش تضيعيها بالخوف والتوتر وتعالى اسمعينى كويس

طب ايه اول حاجة اعملها اول اليوم لما اصحى يوم فرحى؟

اعملى وهزعل لو معملتيش اللى هقولك عليه

-->

انتى اول ما تقومى من النوم اول حاجة هتفتحى عينيكى ده لو نمتى اصلا هتقولى انا مش مصدقة انى هتجوز ايه ده هو انا بحلم ولا ايه

قومى حالا صلى ركعتين لله

ادعى فيهم ان ربنا ييسرلك الامر واشكريه على نعمة الزواج واحساس انك عروسة واحمدى ربنا انه مكتبش عليكى انك من المحرومات من هذه النعمة

وكمان لئن شكرتم لازيدنكم

وادعى انها تكون ليلة مباركة مفهاش عقد ولا مشاكل واستغفرى بعد الصلاة والله هيريح قلبك 2_انتى او احدى قريباتك تروح بقى الشقة وتأكد عليها ان كل حاجة تمام وانتى هتبقى مجهزة الروب بتاعك والبشكير وبشكير زوجك وبيجامته ومعلقاهم على الشماعة ولعى بخور فى الشقة بريحة الورد او الياسمبن وشغلى الراديو على القران الكريم وسبيبه شغال وشغلى اضاءة النجف والضوء الهادى اللى عندك؟ ونضحى بالكام ساعة كهربا دول

طب وايه الفايدة؟

اولا القران فى البيت يطرد الشياطين وهتتطرد اكتر لما انتى وزوجك قصدى عريسك اول ما تدخلوا تقولوا بسم الله

تانى حاجة الاضاءة الهادية مريحة اوى نفسيا لما انتى تدخلى تلاقى الجو هادى والله هتزيك منك التوتر خالص

تالت حاجة البخور يعطر الشقة لانك اكيد هتبقى قافلة الشبابيك

وخلى بالك من البخور متحطهوش على سجاده علشان متتلسعش

اوكى كده شقتك تمام وانتى على فكرة لحد ما تروحى الكوافير وانتى هتبقى حاسة ان فى حاجات ناقصة وكده 

لالا هدة بالك خالص واهدى كده وسيبيها على الله اللى اتجاب اتجاب خلاص والناقص حد يجيبهولك وخلاص

ايه ده هتلاقى الساعة جت 3 وانتى هتروحى الكوافير طب فى حاجة اعملها وانا هناك ؟؟ 1_ايون اولا انتى هتبقى مستشورة شعرك او فارداه المهم انه يكون ناعم وخلاص واهم حاجة تكون ريحته كويسه 2_وانتى كده كده هتبقى عاملة الباديكير 3_ونصيحة منى انا جربتى ارسمى حنه على دراعك من فوق وعلى رجلى وكان شكلهم حلو اوى وكنت حاسة انى عروسة والحنة ديه هتلاقيها فى الكوافيرة وهى رخيص مش غالية اوى انا عملت الاتنين ب50ج 4_استغفرى كتيير اوى وانتى قاعدة علشان ربنا ييسرلك الحال 5_فكرى وقولى لنفسك الاتى علشان تهدى القلق

وانتى فى الفرح برضه فكرى فى فيه

انهاردة ليلة فرحى ليلة عرسى الليلة اللى ربنا هيجمع بينى وبين القلب اللى حبيته

انهارده ياحبيبى انا وانت هنكون تحت سقف بيت واحد هنبقى اتنبن فى واحد خلاص هنبقى قلبين فى جوف واحد هنبقى عقلين فى جسم واحد انهادره انت حلالى وانا حلالك انهارده 

انهادره حضنى بقى هو سكنك وانت حضنك بقى هو عشى وسكنى وحياتى وكل حاجة انهارده اهديك اغلى حاجة حافظت عليها طول حياتى

واحدة تقولى؟ 

افكر فى الحب ازاى وفى مصيبة كله حكى عنها؟

والله ولا مصيبة ولا حاجة والله بهدوءك هتبقى شكة دبوس واللى يخاف من حاجة تطلعله

المهم انتى خرجتى من الكوافير خلاص وتأكدى انك احلى عروسة

واهم حاجة ونصايحى ليكى للفرح وعلشان متاغلطيش ازاى؟

الثقة بالنفس هى سر جمالك يوم فرح ومهما كنتى جميلة لكن متوترة وشاكة فى نفسك وفى المكياج صدقينى هتبقى متصنعة وفى فرق بين اللى بقوله وبين حياءك الحياءك كده كده هيبقى مرسوم على وشك يااحلى عروسة لكن تقليلك انتى من نفسك وان المكياج وحشك لالالا انتى احلى عروسة والله وخليكى على طبيعتك الجميلة صدقينى هترجعى تتفرجى على الفيديو وتقولى ياريت؟

اوكى اما الفرح نفسه

كلمة بسيطة وياريت محدش يناقشنى فيها خالص منعا للجدل ياريت ياريت بجد علشان مزعلش منكم

نصيحتى لكل اخت غالية خلى فرحك اسلامى حبيبتى وديه اكبر غلطة انا غلطتها فى حياتى والله ان فرحى كان عادى

بلاش تبداى حياتك الجديدة بمعصية او بمعنى اصح معاااااااااصى لله

ومتبقاش الاغانى والبنات والمكياج والشباب والرقص هما شكرك لربك اشكريه بجد

والله نصيحة لوجه الله

»

ندخل بقى على ليلة الدخلة؟

انتى دلوقتى خلصتوا الفرح يارب يكون الفرح الاسلامى

ودخلتوا الشقة وماما مشيت وانتى عيطى وكل الحوارات ديه وووشك اصفر بقى غلطانة غلطانة غلطانة واوعى تضيعى يوم زى ده

دلوقتى بقوا انتو دخلتوا لقيتوا الاضاءات الهادية ولاقيتوا القران شغال ولقيتو كمان ريحة الشقة تتجنن وديه اول حاجة هتسعد عريسك 

وعلى فكرة هتبقى بعد كده كل ما تولعى البخور ده هيلاقيه هيتجنن ويوقلك الجو ده بيفكرنى بالليله اياها؟

فانتى منها فرصة انك تخلى ريحة كده او حاجة تفكركم دايما بيها انا عن نفسى عندى حاجة لكن سر هقولكم عليها بعدييين

المهم اول ما تتدخلوا بالله عليكم قبل ما تتفرجى على الشقة او اى حاجة اقرأى انتى وهو المعوزذتين علشان تقيكم من شر كل حاسد

وديه كانت من اخطائى برضه؟

دلوقتى انتى كونك على الكوشة وعريسك جنبك انتى كده ممكن تتسدى بسهولة بالذات بقى اللى اتمنت انها تكون مكانك وانتو كلكم فاهمين الكلام ده اقرأوها وادعى فى سركم ان ربنا يبعد عنكم العين

طيب وبعديين؟؟؟؟

خلاص بقى مبروووك مفيش بعدين؟ ايه انتو مستننيين حاجة منى؟

لا هقول

بصى بقى اولا انسى ان فى حاجة ممكن تحصل لان لسه بدرى لسه هتغيروا ولسه هتتوضوا وتصلوا ولسه هتكلموا شويه على الفرح

طب لو قالى اقلعك الفستان؟

بصى حبيبتى متخليش حد يمليكى حاجة انتى اعملى اللى انتى مبسوطة منك 

ممكن واحدة تقولك لا يقول عليا قليلة الادب

وواحدة تقولك معرفش ايه

لا انتى اعملى اللى انتى عايزاه مع حفاظك على النصائح الاتيه

1_ادبك واخلاقك وحياءك هما عنوانك الليلة ديه لكن مش لدرجة انك تبقى مقفولة اوى وتخلى القلق والخوف نخليينك غريبة اوى

2_الليلة ديه زوجك بيتناها من زمان ليلة عمره خليكى رومانسية عسولى هادية ورقيقة

3_اوعى تفكرى غير فى الخطوة اللى بتحصل

بمعنى انا وهو بنضحك يبقى انا وهو بنضحك 

مش من جواكى تقولى اللى جاى اللى جاى ربنا يستر

هيستر والله بس انتى روقى

4_اوعى تسممعى اى نصيحة من اللى رايح والل جاى وتعمليها اتأكدى الاول من صحتها وياما ليالى ضاعت بسبب الجهل والنصايح الغلط

5_بلاش تطلقى نظرك على زوجك منعا للقلق فى اول يوم

6_سيبيها على الله 

طب البس ايه يافطووم؟

بصى ياستى انا رايى ولا مكشوف اوى ولا مستور اوى

يعنى بلاش العبايات والبيجامات والحاجات الطويلة

وبلاش القمصان المكشوفة اوى اوى 

خليكى وسط

من الاخر حاجة تبقى مثييرة وحلوة وشيك وعرايسى 

روب حلو اوى قميش سهرة كده حلو بيجامة ستان دلع 

انا بحبذ الروب بقميصه سواء ان كان طويل او قصير

وطبعا انتى قبل اى حاجة انتو صليتوا ركعتين ودعيتوا وهو قال الدعاء

نصيحتى

اتكلموا الاول عن حبكم وعن اى حاجة علشان التوتر اللى بينكم يروح 

وممكن اوى كمان ترقصوا سلو

وبلاش طبعا رقص على موسيقى خدى اللينك ده هدية منى اغنية زوجتى تحفة اوى ومناسبة اوى للسلو

طب يافاطمة هو انا ممكن امسك ايد عادى وابوسها بوسة رقيقة؟

حبيبتى خلاص ده زوجك بلاش تضيعى لحظة حلوة تحت مسمى القلق والحياء

يعنى انتى مثلا لو عملتى كده او لو ضمتيه او لو بستى راسه او خدى او اى ايده هيقول عليكى قليلة الادب مثلا

نصيحتى

بلاش العشا التقيل اوى علشان الموضوع يبقى سهل

اشربى كباية لبن وهو كمان متحلية بعسل نحل كويسين اوى اوى

المهم هو بدأ بسم الله

انسى خاالص واتعاملى عادى

طب فاطمة انا اواى اهتم بنفسى وايه الفوطة اللى ماما هتديهانى؟

بصى حبيبتى الفوطة واللى كلنا بنخاف اول ما نشوفها ونحس انها للكفن

ديه بتخليها جنبك او تحتك علشان blood ينزل عليها ان شاء الله

مشاركة

تصنيف : منوعات اولد كايرو